കൊച്ചി: കൊച്ചി മെട്രോയുടെ കോച്ചുകള്‍ കൊച്ചിയിലെത്തി. മുട്ടത്തെ മെട്രോ യാര്‍ഡിലെത്തിയ മൂന്നു കോച്ചുകള്‍ 23 ന് പരീക്ഷണ ഓട്ടം നടത്തും. ഒന്നര കിലോമീറ്റര്‍ ദൂരത്തിലായിരിക്കും പരീക്ഷണ ഓട്ടം നടത്തുക.
റോഡ് മാര്‍ഗം ആന്ധ്രപ്രദേശിലെ ശ്രീസിറ്റിയിലെ അല്‍സ്റ്റോം ഫാക്ടറിയില്‍ നിര്‍മ്മിച്ച കോച്ചുകള്‍ മൂന്ന് കൂറ്റന്‍ ട്രെയിലര്‍ ലോറികളിലാണ് കൊച്ചിയിലെത്തിച്ചത്. ഈമാസം രണ്ടിന് ശ്രീസിറ്റിയില്‍ നിന്നാണ് കോച്ചുകള്‍ പുറപ്പെട്ടത്. തൃശൂര്‍, ആലുവ വഴി മുട്ടം യാര്‍ഡില്‍ പുലര്‍ച്ചെയാണ് കോച്ചുകള്‍ കൊച്ചിയില്‍ എത്തിച്ചത്.
പരീക്ഷണ ഓട്ടത്തിനു മുന്നോടിയായി യാര്‍ഡിലെ പ്‌ളാറ്റ്‌ഫോമില്‍ ഇറക്കുന്ന കോച്ചുകളില്‍ ആവശ്യമായ മാറ്റങ്ങള്‍ അല്‍സ്റ്റോമിന്റെ എന്‍ജിനീയര്‍മാര്‍ വരുത്തും. പരീക്ഷണ ഓട്ടത്തിന് തയ്യാറാക്കാനാണിത്.
Post Your Comments