നിസാൻ- ടാറ്റ്സൺ ബ്രാൻഡിന്റെ ഏറ്റവും ചെറിയ കാർ ആയ റെഡി ഗോ ഇപ്പോൾ കേരള വിപണിയിൽ വിൽപ്പനക്ക്

കൊച്ചി: നിസാന്റെ ഉടമസ്ഥതയിലുള്ള ഡാറ്റ്സൺ ബ്രാൻഡിന്റെ ഏറ്റവും ചെറിയ കാർ ആയ റെഡി -ഗോ കേരള വിപണിയിലെത്തിച്ചു. ഡി, എ, ടി, ടി ഓപ്ഷണൽ, എസ് എന്നിങ്ങനെ അഞ്ചു വകഭേദങ്ങളിലായാണ് റെഡി ഗോ ലഭ്യമാകുന്നത്.സ്പോർട്ടിയായ രൂപമാണ് റെഡി ഗോയുടെ പ്രധാന സവിശേഷത. 185 എംഎം ആണ് ഗ്രൗണ്ട് ക്ലിയറൻസ്. മൂന്നു സിലിണ്ടർ, 8 ലിറ്റർ എൻജിനുള്ള കാറിൽ 5 സ്പീഡ് മാന്യുവൽ ട്രാൻസ്മിഷൻ ആണ് ഉപയോഗിച്ചിരിക്കുന്നത്. പരമാവധി 54 പി എസ് കരുത്തും 72 എൻ എം ടോർക്കും സൃഷ്ടിക്കാനാവും ഈ എൻജിന് . ലീറ്ററിന് 25 കിലോമീറ്ററാണു കാറിനു നിർമാതാക്കൾ വാഗ്ദാനം ചെയ്യുന്ന ഇന്ധനക്ഷമത.യുവാക്കളെ ആകർഷിക്കാനായി ലൈം ഗ്രീൻ, റെ‍ഡ് നിറങ്ങളിലാണ് റെഡിഗോ വിപണിയിലെത്തിയിരിക്കുന്നത്. മികച്ച ലെഗ് സ്പേസ്, ഗ്രൗണ്ട് ക്ലിയറൻസ് എന്നിവ റെഡിഗോയുടെ പ്രത്യേകതകളാണ്.

കൊച്ചി എക്സ്ഷോറൂം വില ഡി- 2.43 ലക്ഷം, എ- 2.87 ലക്ഷം, ടി- 3.14 ലക്ഷം ടി(ഓപ്ഷണൽ)- 3.25 ലക്ഷം എസ്- 3.40 ലക്ഷം