പന്തും കിഷനും കോഹ്‌ലിയെ കണ്ട് പഠിക്കു: സെവാഗ്

യുവതാരങ്ങളായ റിഷഭ് പന്തിനും ഇഷാൻ കിഷനും ഉപദേശവുമായി മുൻ ഇന്ത്യൻ ഓപ്പണർ വീരേന്ദർ സെവാഗ്. മത്സരം ഫിനിഷ് ചെയ്യുന്ന കാര്യത്തിൽ ഇരുവരും ക്യാപ്റ്റൻ വിരാട് കോഹ്‌ലിയെ കണ്ട് പഠിക്കണമെന്ന് സെവാഗ് പറയുന്നു. രണ്ടാം ടി20യിൽ ഇഷാൻ കിഷനും പന്തും മികച്ച പ്രകടനമാണ് പുറത്തെടുത്തത്.

എന്നാൽ മത്സരം ഫിനിഷ് ചെയ്തത് 73 റൺസ് നേടിയ ക്യാപ്റ്റൻ വിരാട് കോഹ്ലിയായിരുന്നു. അതേസമയം മത്സരം ഫിനിഷ് ചെയ്യാൻ സാധിക്കാത്തതിൽ നിരാശയുണ്ടെന്ന് കിഷൻ വ്യക്തമാക്കിയതിന് പിന്നാലെയാണ് മറുപടിയുമായി സെവാഗ് രംഗത്തെത്തിയത്.