ഛത്തീസ്ഗഡ്: ഛത്തീസ്ഗഡിലെ പഥൽഗാവ് ജില്ലയിലെ ജഷ്പൂരിൽ നവംബർ 19, 20 തീയതികളിൽ ഭാരതീയ ജനതാ പാർട്ടി സംസ്ഥാന സെക്രട്ടറി പ്രബൽ പ്രതാപ് സിംഗ് ജുദേവിന്റെ നേതൃത്വത്തിൽ രണ്ട് ദിവസത്തെ ഘർവാപസി പരിപാടി സംഘടിപ്പിച്ചു. പരേതനായ ദിലീപ് സിംഗ് ജൂദേവിന്റെ മകൻ പ്രബൽ പ്രതാപ് ജഷ്പൂർ രാജകുടുംബത്തിലെ രാജകുമാരനും കൂടിയാണ്. ഘർ വാപ്സി അഭിയാൻ കീഴിൽ, അന്തരിച്ച ദിലീപ് സിംഗ് ജൂദേവ് ഹിന്ദുമതത്തിലേക്ക് തിരികെ വരുന്ന ആളുകളുടെ കാലുകൾ കഴുകുന്ന സമ്പ്രദായം സ്വീകരിച്ചിരുന്നു , അവരെ തിരികെ സ്വാഗതം ചെയ്യുന്നതിനുള്ള ചടങ്ങായി ഇതിനെ കണ്ടാണ് ചെയ്തിരുന്നത്.
ഇത് തന്നെയാണ് മകനും അനുവർത്തിച്ചത്. പ്രബൽ പ്രതാപ് പിതാവിന്റെ പാത പിന്തുടരുകയും ഹിന്ദുമതത്തിലേക്ക് തിരികെയെത്തിയവരുടെ പാദങ്ങൾ കഴുകുകയും ചെയ്തു. രാജ്യത്തിനായുള്ള മഹത്തായ പ്രവർത്തനത്തിന് കീഴിൽ തിരിച്ചെത്തിയവരുടെ പാദങ്ങൾ കഴുകുമ്പോൾ തന്റെ കണ്ണുകൾ നനഞ്ഞുവെന്ന് പ്രബൽ പ്രതാപ് ട്വീറ്റ് ചെയ്തു. അച്ഛാ, ഇന്ന് ഞാൻ അങ്ങയെ മിസ്സ് ചെയ്തു എന്നും അദ്ദേഹം പറഞ്ഞു. ഏകദേശം 400 കുടുംബങ്ങളിൽ നിന്നുള്ള 1,200 ഓളം ആളുകൾ ക്രിസ്തുമതത്തിൽ നിന്ന് തിരികെ ഹിന്ദുമതത്തിലേക്ക് മടങ്ങി.
100 കുടുംബങ്ങൾ പ്രദേശവാസികളായിരുന്നു, 300 കുടുംബങ്ങൾ ബസ്ന, സറൈപാലിയിൽ നിന്നുള്ളവരാണ്. ഈ കുടുംബങ്ങൾ മൂന്ന് തലമുറകൾക്ക് മുമ്പ് മതം മാറി, സാമ്പത്തികവും സാമൂഹികവുമായ മോശം അവസ്ഥയിലേക്ക് മാറിയെന്ന് റിപ്പോർട്ടുകൾ സൂചിപ്പിക്കുന്നു. സാമ്പത്തിക സഹായവും മെച്ചപ്പെട്ട സാമൂഹിക ജീവിതവും എന്ന വ്യാജേനയാണ് മിഷനറിമാർ അവരെ മതം മാറ്റാൻ പ്രേരിപ്പിച്ചത്. പരിപാടിക്ക് ഒരു ദിവസം മുമ്പ് ആര്യസമാജം സംഘടിപ്പിച്ച കലാശ യാത്രയിൽ നിരവധി സ്ത്രീകൾ പങ്കെടുത്തിരുന്നു.
തുടർന്ന് നടന്ന ബൈക്ക് റാലിയിൽ 300 ഓളം യുവാക്കൾ പങ്കെടുത്ത് ജയ് ശ്രീറാം മുദ്രാവാക്യം മുഴക്കി. ഫ്രീ പ്രസ് ജേണലിനോട് സംസാരിക്കവേ, പ്രബൽ പ്രതാപ് പറഞ്ഞു, ‘ഞങ്ങളുടെ സംഘവുമായി ബന്ധപ്പെട്ട ഞങ്ങളുടെ ആളുകളും സംഘടനകളും അവരുടെ കൗൺസിലിംഗിൽ ഇവർ പറഞ്ഞത് ഞെട്ടിപ്പിക്കുന്ന കാര്യങ്ങളാണ്, തങ്ങൾ ക്രിസ്ത്യാനിയായി മാറിയത് തെറ്റാണെന്ന് അവർക്ക് മനസ്സിലായി.’ ഈ കുടുംബങ്ങളെ സനാതൻ ഹിന്ദു മതത്തിലേക്ക് പ്രേരിപ്പിക്കുന്നതിനായി മന്ത്രങ്ങൾ ചൊല്ലിക്കൊണ്ടുള്ള ഒരു ശുദ്ധീകരണ ചടങ്ങ് നടത്തിയതായും അദ്ദേഹം കൂട്ടിച്ചേർത്തു.
Post Your Comments