തിരുവനന്തപുരം: നോർക്ക റൂട്ട്സ് യുകെയിലെ വെയിൽസ് ഗവണ്‍മെന്റുമായി ചേര്‍ന്ന് വിവിധ എൻഎച്ച് എസിൽ ട്രസ്റ്റുകളിലേക്ക് രജിസ്ട്രേഡ് നഴ്സുമാർക്ക് വേണ്ടി ഓൺലൈൻ അഭിമുഖം സംഘടിപ്പിക്കുന്നു. ബിഎസ്‌സി നഴ്സിംഗ്/ ജിഎൻഎം വിദ്യാഭ്യാസയോഗ്യതയോടൊപ്പം ഐഇഎൽടിഎസ്/ഒഇടി യുകെ സ്കോറും നേടിയ ഉദ്യോഗാർഥികള്‍ക്ക് അപേക്ഷിക്കാം.
കഴിഞ്ഞ 12 മാസത്തിനുള്ളിൽ കുറഞ്ഞത് ആറ് മാസത്തെ പ്രവർത്തി പരിചയവും വേണം. അപേക്ഷകൾ [email protected] എന്ന ഇ-മെയിൽ വിലാസത്തിൽ അയക്കാവുന്നതാണ്. അപ്ഡേറ്റ് ചെയ്ത ബയോഡേറ്റ, പാസ്പോർട്ട് കോപ്പി, ഐഇഎൽടിഎസ്/ഒഇടി സ്കോർ എന്നിവയും അപേക്ഷയോടൊപ്പം അയക്കേണ്ടതാണ്. 2023 ആഗസ്റ്റ്10 ആണ് അപേക്ഷകൾ സമർപ്പിക്കേണ്ട അവസാന തീയതി.
തിരഞ്ഞെടുക്കപ്പെടുന്നവര്‍ക്ക് യുകെയിലെ നിയമമനുസരിച്ചുളള ശമ്പളത്തിനും മറ്റ് ആനുകൂല്യങ്ങള്‍ക്കും അര്‍ഹതയുണ്ട്. റിക്രൂട്ട്മെന്റ് ഉള്‍പ്പെടെയുളള ചിലവുകള്‍ പൂർണമായും സൗജന്യമാണ്.
Post Your Comments