കിഴക്കമ്പലം: സ്വകാര്യ ബസ് കെഎസ്ആർടിസിയിൽ ഇടിച്ചുണ്ടായ അപകടത്തിൽ യാത്രക്കാർക്ക് പരിക്കേറ്റു. പട്ടിമറ്റം-മൂവാറ്റുപുഴ റോഡിൽ അത്താണിയിൽ കഴിഞ്ഞ ദിവസം വൈകിട്ടാണ് സംഭവം.
മൂവാറ്റുപുഴ ഭാഗത്തേക്ക് തടിയുമായി പോയ ലോറി പെട്ടെന്ന് ബ്രേക്ക് ചെയ്തതോടെയാണ് കെഎസ്ആർടിസി ആദ്യമിടിച്ചത്. തൊട്ടുപിന്നിൽ ഈ ബസിനെ മറികടക്കാൻ പാഞ്ഞെത്തിയ സ്വകാര്യ ബസ് ഇടിക്കുകയായിരുന്നു. ബ്രേക്കിട്ടപ്പോൾ ഇരു ബസുകളിലുമുണ്ടായിരുന്ന അഞ്ച് യാത്രക്കാർക്ക് ബസുകളുടെ ചില്ലിൽ മുഖം ഇടിച്ചതിനെത്തുടർന്നാണ് പരിക്കേറ്റത്. പരിക്കേറ്റവർക്ക് പട്ടിമറ്റത്തെ സ്വകാര്യ ആശുപത്രിയിൽ പ്രാഥമിക ചികിത്സ നൽകി.
കുന്നത്തുനാട് പൊലീസും നാട്ടുകാരും ചേർന്നാണ് പരിക്കേറ്റവരെ ആശുപത്രിയിലാക്കിയത്.
Post Your Comments