കോട്ടയം: ഏറ്റുമാനൂരില് നവകേരള സദസ് നടക്കുന്ന വേദിക്കു ചുറ്റുമുള്ള കടകള് നാളെ രാവിലെ 6 മുതല് പരിപാടി തീരും വരെ അടച്ചിടാന് പൊലീസ് നിര്ദ്ദേശം. കോവില് പാടം റോഡ്, പാലാ റോഡ് എന്നിവിടങ്ങളിലെ വ്യാപാരികള്ക്കാണ് പൊലീസ് നോട്ടീസ് നല്കിയത്. കടകള് അടച്ചില്ലെങ്കില് ഉണ്ടാകുന്ന ക്രമസമാധാന പ്രശ്നങ്ങള്ക്ക് കടയുടമകള് ഉത്തരവാദികളായിരിക്കുമെന്ന് നോട്ടീസില് പറയുന്നു. അതേസമയം, ഗതാഗത കുരുക്ക് ഒഴിവാക്കാനാണ് നോട്ടീസ് നല്കിയതെന്നാണ് പൊലീസ് വിശദീകരിക്കുന്നത്.
Read Also: ഗാസയിൽ ഇസ്രായേൽ സൈനികർക്ക് മുന്നിൽ ഹമാസ് തീവ്രവാദികൾ കീഴടങ്ങി?
അതേസമയം, നവ കേരള സദസിന്റെ പ്രധാന ലക്ഷ്യം പരാതി സ്വീകരിക്കലല്ലെന്ന് മുഖ്യമന്ത്രി പിണറായി വിജയന് പറഞ്ഞു. പാലാ മണ്ഡലത്തിലെ നവ കേരള സദസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേന്ദ്ര സര്ക്കാര് അവഗണന, സംസ്ഥാന സര്ക്കാര് ചെയ്യുന്ന കാര്യങ്ങള് ഇനി ചെയ്യാനുള്ള കാര്യങ്ങള് എന്നിവ ജനങ്ങളെ അറിയിക്കാനാണ് നവകേരള സദസെന്ന് പറഞ്ഞ മുഖ്യമന്ത്രി, നവകേരള സദസ് പരാതി നല്കാനുള്ള വേദിയാണെന്ന് പറഞ്ഞ സ്വാഗത പ്രാസംഗകന് തോമസ് ചാഴിക്കാടന് എംപിയെ വിമര്ശിച്ചു. ഇതില് വരുന്നവര്ക്ക് പരാതിയുണ്ടെങ്കില് നല്കാമെന്നും പരാതികള് നല്കാന് വേറെയും വഴികളുണ്ടെന്നും പറഞ്ഞ മുഖ്യമന്ത്രി, വേദി ഏതെന്ന് തോമസ് ചാഴിക്കാടന് എംപി ശരിക്ക് മനസിലാക്കിയിട്ടില്ലെന്ന് പറഞ്ഞു. അത് നിര്ഭാഗ്യകരമെന്നും മുഖ്യമന്ത്രി വിമര്ശിച്ചു.
Post Your Comments