ജനുവരി ഒന്ന് മുതൽ എല്ലാ ശനിയും ഇനി ബാങ്ക് അവധി; സത്യമറിയാം

ന്യൂഡൽഹി: ബാങ്കുമായി ബന്ധപ്പെട്ട സുപ്രധാന നിർദേശം കേന്ദ്ര ധനമന്ത്രാലയം ചൊവ്വാഴ്ച പാർലമെന്റിൽ അവതരിപ്പിച്ചു. ഇതില് എല്ലാ ശനിയാഴ്ചയും ഇന്ത്യയിലെ എല്ലാ ബാങ്കുകള് ക്കും അവധിയായി പ്രഖ്യാപിക്കണമെന്ന ആവശ്യവും ഉയരുന്നുണ്ട്. അതായത് എല്ലാ ആഴ്ചയിലും 5 ദിവസം മാത്രം പ്രവർത്തിക്കാൻ ബാങ്കുകൾ നിർദ്ദേശിച്ചിട്ടുണ്ട്. ഇന്ത്യൻ ബാങ്ക് അസോസിയേഷനാണ് (ഐബിഎ) ഈ നിർദേശം മുന്നോട്ടുവച്ചതെന്ന് ധനകാര്യ സഹമന്ത്രി ഭഗവത് കരാദ് പറഞ്ഞു.

ഇതിന് പിന്നാലെ, നെഗോഷ്യബിൾ ഇൻസ്‌ട്രുമെന്റ് ആക്ട് ഭേദഗതി പ്രകാരം 2024 ജനുവരി 1 മുതൽ എല്ലാ ശനിയാഴ്ചയും ബാങ്ക് അവധിയായിരിക്കുമെന്ന് പ്രചാരണം സോഷ്യൽ മീഡിയയിൽ നടക്കുന്നുണ്ട്. നെഗോഷ്യബിൾ ഇൻസ്‌ട്രുമെന്റ് ആക്ടിലെ ഭേദഗതിക്ക് കാബിനറ്റ് അംഗീകാരം നൽകിയെന്നും, 2024 ജനുവരി 1 മുതൽ പ്രാബല്യത്തിൽ വരുന്ന ബാങ്ക് അവധി ദിവസങ്ങളിലെ മാറ്റങ്ങളെക്കുറിച്ചാണ് പ്രചരിക്കുന്ന പോസ്റ്റിൽ പരാമർശിക്കുന്നത്. എന്നാൽ ഇത് സത്യമല്ല. എല്ലാ ശനിയാഴ്ചയും അവധി വേണമെന്ന ആവശ്യം ഐബിഎ കേന്ദ്രത്തെ അറിയിച്ചിട്ടുണ്ടെന്നുള്ളത് സത്യമാണ്.

എന്നാൽ, ഈ ആവശ്യം അംഗീകരിച്ചിട്ടുണ്ടോ എന്നോ സമീപഭാവിയിൽ എപ്പോഴെങ്കിലും അംഗീകരിച്ചേക്കുമോ എന്നോ ധനമന്ത്രാലയത്തിന്റെ മറുപടിയിൽ സൂചിപ്പിച്ചിട്ടില്ല. നിലവിൽ രണ്ടാം ശനിയും നാലാം ശനിയുമാണ് ബാങ്ക് അവധി. 2015-ൽ ഇന്ത്യയിലെ എല്ലാ ബാങ്കുകൾക്കും സർക്കാർ ഒരു പുതിയ നിയന്ത്രണം കൊണ്ടുവന്നു. ബാങ്ക് ജീവനക്കാർക്ക് ഒരു മാസത്തിൽ 2 ശനിയാഴ്ച അവധി നൽകുന്നത് ഉൾപ്പെടുന്നു. അതിനുശേഷം, രാജ്യത്തെ എല്ലാ ബാങ്കുകളും മാസത്തിലെ രണ്ടാമത്തെയും നാലാമത്തെയും ശനിയാഴ്ചകളിൽ അടച്ചിരിക്കും. ഈ അവധി നിർബന്ധമാണ്, രാജ്യത്തെ എല്ലാ പൊതുമേഖലാ ബാങ്കുകൾക്കും സ്വകാര്യമേഖലാ ബാങ്കുകൾക്കും ഇത് ബാധകമാണ്.

1.5 കോടിയിലധികം ജീവനക്കാർ ബാങ്കിംഗ് മേഖലയിൽ ജോലി ചെയ്യുന്നു. ഇത്തരത്തിൽ ആഴ്ചയിൽ 5 ദിവസം ജോലി ചെയ്യണമെന്ന ആവശ്യം പല ദിവസങ്ങളായി വരുന്നുണ്ട്. പൊതുമേഖലയിലെയും സ്വകാര്യമേഖലയിലെയും ബാങ്കുകളാണ് ഈ ആവശ്യം ഉന്നയിക്കുന്നത്. ഏറ്റവും പ്രധാനമായി, പൊതുമേഖലാ ബാങ്കുകൾ ഈ പ്രശ്നം പലതവണ ഉന്നയിച്ചു. അതേസമയം, ഇന്ത്യയിലെ എല്ലാ പൊതു, സ്വകാര്യ ബാങ്കുകൾ, വിദേശ ബാങ്കുകൾ, സഹകരണ ബാങ്കുകൾ, പ്രാദേശിക ഗ്രാമീണ ബാങ്കുകൾ, ഐബിഎ അംഗത്വത്തിന് കീഴിലുള്ള അഖിലേന്ത്യാ ധനകാര്യ സ്ഥാപനങ്ങൾ എന്നിവയും ആഴ്ചയിൽ 5 ദിവസം പ്രവർത്തിക്കാൻ ആവശ്യപ്പെട്ടു.