ച​ന്ദ​ന​മ​ര മോ​ഷ​ണക്കേസ്: പ്ര​തി​ക​ള്‍ അറസ്റ്റിൽ

കൊ​ട്ടി​യം: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ന​ട​ന്ന നി​ര​വ​ധി ച​ന്ദ​ന​മ​ര മോ​ഷ​ണ കേ​സു​ക​ളി​ലെ പ്ര​തി​ക​ള്‍ പൊ​ലീ​സ് പി​ടി​യി​ൽ. കാ​സ​ർ​ഗോ​​ഡ്​ സ്വ​ദേ​ശി​യും ഒ​രു സ്ത്രീ​യും ഉ​ൾ​പ്പെ​ട്ട സം​ഘ​മാ​ണ് കൊ​ട്ടി​യ​ത്ത് പി​ടി​യി​ലാ​യ​ത്. കാ​സ​ർഗോ​​ഡ് ചെ​ങ്ങ​ള കു​ന്നി​ല്‍ ഹൗ​സി​ല്‍ അ​ബ്ദു​ൽ ക​രീം(49), കാ​സ​ർഗോ​​ഡ്​​ കു​ണ്ടു​കു​ഴി ചെ​ടി​ക്കു​ണ്ട് ഹൗ​സി​ല്‍ ഷാ​ഫി(32), കൊ​ല്ലം ക​ണ്ണ​ന​ല്ലൂ​ര്‍ പ​ള്ളി​വ​ട​ക്ക​തി​ല്‍ അ​ല്‍ബാ​ന്‍ ഖാ​ന്‍(39), അ​ഞ്ചാ​ലും​മൂ​ട് കാ​ഞ്ഞാ​വെ​ളി തി​ന​വി​ള താ​ഴ​തി​ല്‍ അ​ബ്ദു​ൽ മ​ജീ​ദ്(43) എ​ന്നി​വ​ര്‍ക്കൊ​പ്പം ബം​ഗ​ളൂ​രു സ്വ​ദേ​ശി​നി നേ​ത്രാ​വ​തി(43) എ​ന്നി​വ​രാ​ണ് പിടിയിലായത്. കൊ​ട്ടി​യം പൊ​ലീ​സാണ് പി​ടി​കൂടിയ​ത്.

ജി​ല്ല​യി​ല്‍ വി​വി​ധ പൊ​ലീ​സ് സ്റ്റേ​ഷ​ന്‍ പ​രി​ധി​ക​ളി​ലാ​യി ര​ജി​സ്റ്റ​ര്‍ ചെ​യ്ത ച​ന്ദ​ന​മ​ര മോ​ഷ​ണ​കേ​സു​ക​ളു​മാ​യി ബ​ന്ധ​പ്പെ​ട്ട് കൊ​ല്ലം സി​റ്റി ജി​ല്ല പൊ​ലീ​സ് മോ​ധാ​വി വി​വേ​ക് കു​മാ​റി​ന്‍റെ നി​ർ​ദേ​ശ​പ്ര​കാ​രം ഡാ​ന്‍സാ​ഫ് ടീം ​അം​ഗ​ങ്ങ​ളും കൊ​ട്ടി​യം പൊ​ലീ​സും ചേ​ര്‍ന്ന് ന​ട​ത്തി​യ ര​ഹ​സ്യ​നീ​ക്ക​ത്തി​ലാ​ണ് ഇ​വ​ര്‍ പി​ടി​യി​ലാ​യ​ത്.

Read Also : ചൈനയില്‍ പുതിയ രോഗം; പനി ബാധിച്ച് മരിച്ച മലയാളി വിദ്യാർത്ഥിനി രോഹിണിയുടെ അവസാന സന്ദേശം പുറത്ത്

കൊ​ട്ടി​യ​ത്തെ സ്വ​കാ​ര്യ ലോ​ഡ്ജി​ല്‍ ര​ണ്ട് മു​റി​ക​ളി​ലാ​യി താ​മ​സി​ച്ചു​വ​രു​ക​യാ​യി​രു​ന്നു സം​ഘം. ഇ​വ​രി​ല്‍ നി​ന്ന്​ മ​രം മു​റി​ക്കാ​നു​ള്ള അ​റ​ക്ക​വാ​ളു​ക​ളും പ​ണ​വും പൊ​ലീ​സ് പി​ടി​ച്ചെടുത്തു.

കൊ​ട്ടി​യം ഇ​ന്‍സ്പെ​ക്ട​ര്‍ വി​നോ​ദി​ന്‍റെ നേ​തൃ​ത്വ​ത്തി​ല്‍ എ​സ്.​ഐ നി​തി​ന്‍ ന​ള​ന്‍, എ.​എ​സ്.​ഐ ഫി​റോ​സ്, സി.​പി.​ഒ​മാ​രാ​യ പ്ര​വീ​ണ്‍ച​ന്ദ്, സ​ന്തോ​ഷ്​ ലാ​ല്‍, ബി​ന്ദു, ര​മ്യ എ​ന്നി​വ​രും ഡാ​ന്‍സാ​ഫ് ടീ​മം​ഗ​ങ്ങ​ളാ​യ എ.​എ​സ്.​ഐ ബൈ​ജു ജെ​റോം, എ​സ്.​സി.​പി.​ഒ​മാ​രാ​യ സ​ജു, സീ​നു, മ​നു എ​ന്നി​വ​രും അ​ട​ങ്ങി​യ പൊ​ലീ​സ് സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. അറസ്റ്റിലായവരെ കോടതിയിൽ ഹാജരാക്കി.