തൃശൂര്‍: ചാവക്കാട് പാലയൂര്‍ സെന്റ് ഫ്രാന്‍സിസ് ഇംഗ്ലീഷ് മീഡിയം സ്‌കൂളില്‍ ആറാം ക്ലാസ് വിദ്യാര്‍ത്ഥിയെ പ്രിന്‍സിപ്പല്‍ മര്‍ദ്ദിച്ചതായി പരാതി. പാലുവായ് പെരുമ്പായിപ്പടി സ്വദേശിയായ 13 വയസുകാരനെയാണ് പ്രിന്‍സിപ്പല്‍ കൈ കൊണ്ട് മുഖത്തടിച്ച് പരിക്കേല്‍പ്പിച്ചത്.
ഇന്നലെ ഉച്ചക്കായിരുന്നു സംഭവം.വിദ്യാര്‍ത്ഥി ക്ലാസ് കഴിഞ്ഞെത്തിയപ്പോഴാണ് വീട്ടുകാര്‍ വിവരമറിയുന്നത്. ചെവിക്ക് വേദന അനുഭപ്പെട്ടതോടെ വിദ്യാര്‍ത്ഥിയെ ആദ്യം ചാവക്കാട് താലൂക്ക് ആശുപത്രിയിലും പിന്നീട് ചാവക്കാട് ഹയാത്ത് ആശുപത്രിയിലും പ്രവേശിപ്പിച്ചു.
വീട്ടുകാര്‍ ചാവക്കാട് പൊലീസില്‍ പരാതി നല്‍കുകയും ചൈല്‍ഡ് ലൈന്‍ പ്രവര്‍ത്തകരെ വിവരമറിയിക്കുകയും ചെയ്തിട്ടുണ്ട്. ചൈല്‍ഡ് ലൈന്‍ പ്രവര്‍ത്തകര്‍ സ്‌കൂളില്‍ എത്തി വിവരങ്ങള്‍ ശേഖരിച്ചു.
Post Your Comments