കൊച്ചി: രാജ്യാന്തര രാസലഹരി കടത്തില്‍ അറസ്റ്റിലായ കോംഗോ സ്വദേശി കോടതിയില്‍ അക്രമാസക്തനായി. പ്രതി റെംഗാര പോളിനെ അങ്കമാലി കോടതിയില്‍ ഹാജരാക്കിയപ്പോഴായിരുന്നു നാടകീയരംഗങ്ങള്‍. വിലങ്ങണിയാന്‍ കൂട്ടാക്കാത്ത പ്രതിയെ പൊലീസ് ബലംപ്രയോഗിച്ച് കീഴ്‌പ്പെടുത്തുകയായിരുന്നു. റെംഗാര പോളിനെ 14 ദിവസത്തേക്ക് കോടതി റിമാന്‍ഡ് ചെയ്തു. ബെംഗളൂരുവില്‍ നിന്ന് എറണാകുളം റൂറല്‍ പൊലീസ് പിടികൂടിയ റെംഗാരാ പോളിനെ ഇന്നലെ ഉച്ചയോടെയാണ് അങ്കമാലി ജുഡിഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയിലെത്തിച്ചത്.
പൊലീസ് വാഹനത്തില്‍ നിന്ന് ഇറക്കിയത് മുതലായിരുന്നു അപ്രതീക്ഷിത രംഗങ്ങള്‍. വിലങ്ങണിച്ച പ്രതി തുടക്കം മുതലേ പൊലീസുകാരോട് കയര്‍ത്തു. കേസ് വിളിച്ചതോടെ കോടതി വരാന്തയില്‍ കയറ്റി നിര്‍ത്തി വിലങ്ങഴിച്ചു. തുടര്‍ന്നും ബലപ്രയോഗം വേണ്ടി വന്നു. ഒടുവില്‍ റെംഗാരാ പോളിനെ പൊലീസുകാര്‍ ചേര്‍ന്ന് കീഴ്‌പ്പെടുത്തി വിലങ്ങണിയിക്കുകയായിരുന്നു.
Post Your Comments